Pagpanas sa Mindanao state of emergency gidayeg

Gidayeg sa Konseho sa syudad, sa sesyon niadtong Lunes nga gidumala ni Presiding Officer Protempore Konsehal Romeo V. Calizo, ang pagtangtang sa state of national emergency dinhi sa pulo sa Mindanao dala sa lawless violence ubos sa Proclamation No. 55 (s. 2016).

Sa resolosyon nga gisagop sa konseho, nasayran nga gipanas ang maong state of national emergency pinaagi sa giluwatang Proclamation No. 298 sa Opisina sa Presidente niadtong Hulyo 25, 2023, human nasuta nga napalambo na ang kahimtang sa kahusay ug kalinaw sa Mindanao gumikan sa padayong pagpatuman sa mga kalihokan military ug ubang operasyon sa mga tigpatuman sa balaod.

Si Konsehal George Goking, nagpaluyo sa gisagop nga resolosyon, mipasabot nga ang pagpanas sa Proclamation No. 55 magdala og dugang kalamboan sa ekonomiya.