Pagpalit og ambulansya tukion sa Climate Change, Disaster Risk Reduction komite

KONSIDERAHON sa komite sa Climate Change Adaptation and Mitigation ug Disaster Risk Reduction ni Konsehal John Michael Seno ang sugyot ordinansa nga mogahin og balor P120 milyones aron ipalit og 80 ka ambulansya nga magamit sa 80 ka barangay sa dakbayan.

Tinguha sa ordinansa nga diha diha gilayon matubag ang mga tawag sa emerhensya ug madala ang mga pasyente o’ mga masakiton sa labing duol nga balay tambalanan sa syudad.

Sa sugyot ordinansa nga giduso ni Konsehal Bernie Esparcia gipasabot niya nga ang ambulansya ang usa tubag sa dakong pagpanginahanglan sa serbisyo sa panglawas sa matag barangay. (SP/RNQuiblat)