Pagpalapad sa pantalan dihas Macabalan giuyonan

HINIUSANG giuyonan sa konseho sa syudad atol sa sesyon kagahapon nga gidumala ni Presiding Officer Protempore Konsehal Romeo Calizo, ang resolosyon nga nagpadayag sa dakong pag-uyon sa kagamhanan sa dakbayan ubos ni Mayor Rolando Klarex Uy dinha sa pagpatuman sa proyekto pagpalapad sa Cagayan de Oro Port sa barangay Macabalan.

Dako ang pagtoo ni Konsehal Calizo, chairman sa komite sa publuc utilities (roads and traffic managent), nga sa maong tinguha mapalambo ug mas daghan pang katawhan dili lang sa dakbayan kun dili lakip na sa kasikbit nga mga rehiyon ang masilbihan sa maong pantalan.

Ang komite ni Calizo uban sa komite sa pamalaod ni Ko Edgar Cabanlas ang nagpaluyo sa gipasakang resolosyon alang sa maong katuyuan.