Pagpalambo sa Laguindingan Airport gilantaw

DAKO ang kalipay ni Konsehal George S. Goking, Chairman sa Philippine Councilors League (PCL) sa Rehiyon 10, nga mahatagan na sa katumanan ang pagpalambo sa Laguindingan Airport. Kini human nasayran sa konsehal nga naaprobahan na sa nasudnong kagamhanan ang P12 bilyones ka pesos nga pundo alang sa pag-upgrade ug pagpalapad sa Laguindingan Airport.

Ang maong kalamboan magdala og kauswagan sa ekonomiya dili lang sa probinsya sa Misamis Oriental kun dili lakip na sa dakbayan sa Cagayan de Oro og ubang bahin sa Mindanao. Ang programa makapalambo sa dagkong mga negosyo ingon man sa natad sa turismo gawas pa nga sa maong kalamboan gilantaw ang pagsulod sa international flights.

Niini, gibutyag ni Goking nga ang programa mahimong ipaagi sa Public-Private-Partnership (PPP) program alang sa labing daling implementasyon.