Pagpadagan sa goberno, relihiyon dili pwede mag-uban - Cabanlas

DAKO ang pagrespeto ni Konsehal Edgar Cabanlas, chairman sa komite sa urban poor and housing development, sa baruganan ni Konsehal Zaldy Ocon apan dili mahimong i-imposar ang relihiyon sa pagpanday sa balaod diha sa konseho.

Kini ang reaksyon ni Cabanlas sa special report ni Ocon atol sa sesyon sa konseho niadtong Lunes nga gidumala ni Bise Mayor Kikang Uy kalabot sa Bolonsiri public cemetery redevelopment project.

Katungod sa matag usa ang pagpagawas sa ilang gibarugang relihiyon apan unta mahinumduman ang kamahinungdanon nga managlahi ang gobyerno ug ang relihiyon.

Dayag nga dili mahimong mag-uban ang pagdumala sa gobyerno ug relihiyon, pasabot ni Cabanlas.

Niini, siya nanghinaut nga masabtan ang katuyuan sa gobyerno kay kaayuhan man sa tanan ang gitinguha dili lang sa karong panahon apan sa umaabot pa nga mga henerasyon kay makahatag man usab kini og kaarangan sa kinaiyahan.