Pagmugna sa Local School Board Advisory Council gisugyot

KONSIDERAHON sa Komite sa Edukasyon ni Konsehal Suzette Magtajas-Daba ang sugyot pagmugna sa Local School Board Advisory Council.

Kini human nadawat sa konseho ubos ni Bise Mayor Bebot Rodriguez ang rekomendasyon gikan sa Multiply-Ed Philippines (X-Ed) nga nagpadayag sa ilang suporta sa nakitang kamahinungdanon sa pag-isyu og Executive Order alang sa pagmugna sa Local School Board Advisory Council.

Ang maong council naglangkob sa komposisyon sa tanang membro sa Local School Board ug ang dugang myembro niini nga mopresentar gikan sa mga tinun-an, principal sa mga tunghaan ug mga Non-Government Organizations (NGOs).

Subay niini, gipaabot imbitahon sa Komite ni Konsehal Daba ang mga hintungdang buhatan ug ahensya sa gobyerno sa pagtambong atol sa pagtuki aron madungog ang ilang panahom ug opinion.