Pagmugna sa Cugman IS gisuportahan sa konseho

DUGANG kalamboan sa natad sa edukasyon  ang matagamtaman sa  tanang kabataan sa dakbayan sa Cagayan de Oro.

Kini human ang Konseho sa sesyon sa Lunes nga gidumala ni Presiding Officer Pro Tempore Konsehal Romeo Calizo hiniusang miuyon ug miduso ngadto sa Department of Education (DepEd) sa planong pagtukod sa Cugman Integrated School diha sa Barangay Cugman.

Si Konsehal Suzette Magtajas-Daba, chairman sa komite sa edukasyon kinsa nagpaluyo sa gisagop nga resolusyon, hugot nga nagpasalamat sa tanang sakop sa Local School Board ubos ni Mayor Klarex Uy, Department of Education (DepEd) sa panguna ni Schools Division Superintendent Dr. Roy Angelo Gazo sa ilang walay puas nga  pagtunol sa de kalidad nga edukasyon sa  kabataan sa dakbayan. (RNQuiblat/SP)