Paghatag og foodpack sa wala makadawat sa cash ayuda giklaro ni konsehal Lim

Gihatagan og food packs kadtong mga naulahi sa pagclaim sa ilang mga cash ayuda.

Kini pamahayag ni konsehal Yan Lam Lim, chairman sa komite sa Barangay Affairs sa konseho, agi’g reaksyon sa special report ni konsehal Lordan Suan sa sesyon sa konseho niadtong Lunes nga gidumala ni bise mayor Kikang Uy nga adunay mga cash ayuda nga wala pa ma claim ug aduna usab mga residente nga food packs lang ang ilang nadawat nga ayuda.

Matod ni Lim nga iyang nasayran nga adunay mga kapitan nga nanglista og dugang tungod adunay mga molopyo nga wala sa lista ug gani giagi kini sa CSWD maong natagaan gayud kini.

Gipasabot usab sa konsehal nga kadtong mga ulahi na nga nagclaim o ayha pa nagclaim tungod kay sa pag-adto sa ilang panimalay wala kini, sila ang gipanghatagan sa foodpacks.