Paggamit og plastics sa Lazada, Shopee angayan hatagan sa pagtagad - Kon. Calizo

GISUPORTAHAN ni Konsehal Romeo Calizo, chairman sa komite sa pubic order, ang special report ni Konsehal Roger Abaday atol sa sesyon sa konseho niadtong Lunes mahitungod sa mga plastics nga gigamit sa e-commerce pagputos sa mga produkto nga   ilang ihatod sa mga customers nga giingong makaapekto sa kinaiyahan.

Nasayran nga ang Lazada ug Shopee, mga kompaya nga nag-engage sa e-commerce platform, pulos nag-gamit og mga plastics sa  matag produkto nga ilang  ipanghatod ngadto sa  ilang mga customers.

Sumala ni Calizo nga mahinungdanon kaayo kini nga isyu  tungod kay makaapekto kini sa kinaiyahan nga basin og usa ka adlaw, momata nalang ang katawhan nga dako na kaayo ang problema.

Gisugyot ni Calizo nga modapit ang komite sa mga eksperto alang sa maong katuyuan nga makatubag niini ug makahatag sa insakto nga mga inputs. (JRGalano/SP)