Pagdungog sa aplikasyon sa Cepalco alang sa true-up calculations, refund scheme gitakda sa Abril 11

Gitakda sa umaabot Abril 11, 2023 ang unang pagdungog sa aplikasyon sa Cepalco alang sa true-up calculations sa actual average rate per rate schedule itandi sa naaprobahang average rate schedule sa ERC nga napatuman sa mga milabayng panahon.

Kini human nadawat sa konseho sa syudad ubos ni Bise Mayor Bebot Rodriguez ang pahibalo gikan sa Cepalco sa order nga giluwatan sa Energy Regulatory Commission nga nagtakda sa virtual hearing sa alas 9 sa buntag sa Abril 11, 2023.

Giingon nga kinahanglang maseguro nga abli sa publiko ug sa komunidad ang maong virtual hearing ug mahatagan sa kahigayonan ang publiko nga makasalmot. Sa maong orden, gitakda usab sa Abril 18, 2023 ang pre-trial conference ug presentation sa mga ebidensya kalabot sa maong aplikasyon sa Cepalco.

Lakip sa gipangayong approval sa Cepalco mao ang ilang gihan-ay nga refund scheme ug refund rate basis a rate schedule basis. Ang pahibalo sa Cepalco gipaabot usab hisgutan sa komite sa public utilities, energy and roads and traffic administration ni Konsehal Romeo Calizo.