Pagdeklara sa CDO ubos sa state of climate emergency padayong gitun-an

PADAYONG gitun-an sa Komite sa Climate Change Adaptation and Mitigation and Disaster Risk Reduction ni Konsehal Bernie Esparcia ang sugyot resolusyon nga magdeklara sa Cagayan de Oro ubos sa state of climate emergency.

Kini human nadungog ang suporta ug panahom sa mga representante sa buhatan sa City Planning Development Office (CPDO), Agricultural Productivity Office, Local Economic Development and Investment Promotion, Civil Society Organization (CSO), Roads and Traffic Administration (RTA), City Legal, City Disaster Risk Reduction and Management Department (CDRRMD), City Building Official ug City Local Environment and Natural Resources Office (CLENRO).

Sa milabayng tigom, gipadayag sa mga representante nga magtambayayong ang tanan aron makab-ot ang maluntarong kalamboan nga solusyon sa nagpadayong climate change sa nasud.

Sa milabayng tigom, si Konsehal Aga Suan namahayag nga gikinahanglan ang mga igong lakang sama sa pagpahibalo sa publiko sa mga kausabang masinati dala sa climate change.

Niini, gimugna ni Esparcia ang Technical Working Group (TWG) nga gilangkoban sa CPDO, CDRRMD, CLENRO ug CSO aron magrepaso sa gisugyot nga resolosyon ug pagsumite sa rekomendasyon sa sunod nga tigom.