Pagdeklara sa CDO nga ubos sa state of climate emergency padayong tukion

Padayong hisgutan sa tigom sa komite sa Climate Change Adaptation and Mitigation and Disaster Risk Reduction ni Konsehal Bernie Esparcia ang sugyot ordinansa nga magdeklarar sa state of climate emergency sa dakbayan Cagayan de Oro. Gidapit ni Esparcia nga motambong sa tigom karong alas 2 sa hapon dinha sa hawanan sa konseho ang pipila ka sakop sa pribadong sektor aron magpaambit sa ilang panahom kalabot sa maong lakang.

Lakip sa gidapit mao sila si National Resilience Council program officer Brian Joseph Bango; CSO-Climate Change Lydia Tubella; USTP Director for International Affairs Dr. Maria Noelyn Dano; Center for Energy, Ecology and Development Deputy Exec. Dir. Atty. Avril de Torres ug CLIMBS Insurance CEO Noel Raboy.

Hisgutan usab sa komite ang DILG MC No. 2023-65 kon Mitigation and Preparedness Measures for the El Niño Phenomenon 2023 sa tinguha nga mapagaan ug makapangandam ang matag lokal nga kagamhanan sa maong phenomenon.

Ang tigom sa komite gipaabot tambongan nila ni Konsehal John Michael Seno, Roger Abaday, Edgar Cabanlas, Ian Mark Nacaya, Yam Lam Lim, James Judith II ug Bise Mayor Bebot Rodriguez.