Pagdeklara sa CDO nga ubos sa state of climate emergency hisgutan

HISGUTAN sa tigom karong hapon sa komite sa Climate Change Adaptation and Mitigation and Disaster Risk Reduction ni Konsehal Bernie Esparcia ang gipasa nga sugyot ordinansa nga magdeklarar sa state of climate emergency sa dakbayan sa Cagayan de Oro. Kini gumikan sa giingong kakulangon sa supply sa tubig, pagkaon, enerhiya, yuta ug pagkaylap sa sakit nga resulta sa global anthropogenic climate change.

Gidapit nga motambong sa tigom aron magpaambit sa ilang panahom kalabot sa maong lakang sila si City Administrator Atty. Roy Hilario Raagas, City Legal Officer Atty. Kenneth Tamala, OIC - City Accounting Office Roxanne Ravidas, City Treasurer Jasmin Maagad, City Budget Officer Atty. Percy Salazar ug pipila ka mga hepe lain laing buhatan sa City Hall.

Ang tigom tambongan nila ni Konsehal John Michael Seno, Roger Abaday, Edgar Cabanlas, Ian Mark Nacaya, Yam Lam Lim, James Judith II ug Bise Mayor Bebot Rodriguez.