Pagdaginot, subling pahinumduman ni Goking sa katawhan

SI Konsehal George S. Goking, chairman sa komite sa trade and commerce, subling mipahinumdum sa katawhan nga padayon ang pagdaginot sa pundo ug resources aron makaandam sa posibleng pagsaka sa presyo sa lana dali sa kagubot sa Russia ug Ukraine.

Gipasabot sa konsehal nga maayong mapangandaman kini ilabina sa pagkaon tungod kay mao man kini ang nag-unang panginahanglanon sa katawhan.

Si Goking mipasabot nga ang pagpananum sa mga utanon dinha sa tagsa tagsa ka mga nataran sama sa kalamonggay, alugbati, okra, sitaw ug uban pa ang usa sa mga pamaagi nga maminusan ang galastohon sa matag adlaw.

Ang backyard gardening maoy usa sa mga pamaagi nga matabangan ang kalisod karong panahona. Gikinahanglan nga mapangadaman ang omento sa presyo sa lanan kay dili na kini mapugngan tungod sa mga panghitabo.

Ang pagtinabangay ug pagsinabtanay sa katawhan maoy usa sa gikinahanglan karong panahon sa kalisod, panapos ni Konsehal Goking.