Pagbayad, renewal sa business permits gilugwayan sa Konseho

MAHIMO pang makabayad sa ilang buluhisan nga walay multa  ang mga negosyante sa syudad kutob sa Pebrero  28 ning tuig.

Kini human ang Konseho sa sesyon niadtong Lunes nga gidumala ni Bise Mayor Bebot Rodriguez hiniusang mipalabang og ordinansa  nga  naglugway sa higayon sa pagbayad  ug renewal sa business permit  sa mga  magpapatigayon gikan sa Enero 20 ngadto sa Pebrero 28 nga walay ipatong nga multa subay sa Section 56 , Artikulo 0 sa 2015 Revenue Code.

Ang maong lakang gihimo agig pagsanong sa hangyo sa  Cagayan de Oro Chamber of Commerce and Industry Foundation , Inc ug Cagayan de Oro Filipino Chinese Chamber of Commerce and Industry, Inc. (CDOFCCCII)  alang sa maong katuyuan ug alayon usab sa paningkamot  sa kagamhanan nga masuportahan ang local businesses ug i promote ang business-friendly environment  aron mapalambo  ang ekonomiya sa  syudad.