Pagbalhin sa maapektohang bukog sa mga gilubong dihas Bolonsiri walay bayad -Salcedo

DILI problema ang pagbalhin sa mga minatay ngadto sa columbarium sulod sa gisugyot nga redevelopment sa sam-ang sa syudad.

Kini ang pamahayag ni Konsehal Enrico Salcedo, chairman sa komite sa environment and natural resources, agig reaksyon sa special report ni Konsehal Bebot Rodriguez.

Sumala ni Salcedo nga dili problema kun hisgutan ang pagbalhin sa bukog sa mga minatay ngadto sa gitumbok nga columbarium tungod kay ang konseho man ang magpanday sa balaod kun aduna man ugaling balayrunon o wala.

Gipasabot usab sa konsehal nga kun ibalhin man ang bukog sa nalubong na dinha sa Bolonsiri wala kini bayad kay kabahin man kini sa gitaganang pundo sa redevelopment.

Nanghinaot si Salcedo nga pinaagi sa pagredevelop sa kasamtangang menteryo sa syudad mahimong hamugaway ug maplastar na ang paglubong sa mga minahal sa kinabuhi nga motaliwan ngadto sa lain kalibutan.