Pagatpat mihangyong makapahigayon og sabong

KONSIDERAHON sa komite sa games and amusement ni Konsehal Roger Abaday ang sulat hangyo ni kapitan Ruel Gabo sa Barangay Pagatpat nga makapahigayon og tulo ka adlaw nga sabong sugod sa Marso 17, 18 ug 19, 2022 alayon sa pagsaulog sa ilang kapistahan.

Kini human gipasalig sa mga tigdumala sa maong kalihokan nga masunod kanunay ang gilatid nga minimum health protocol sama sa pagsuot sa facemask ug physical distancing sulod sa bulangan ug ang mahimong kita gamiton sa matag adlaw nga panginahanglan sa barangay.

Ang maong hangyo gitakdang tukion sa komite ni Abaday aron matunol ang tukmang rekomendasyon.