Pag-usab sa schedule sa fair market values tukion sa komite sa ways and means

Ipahigayon sa Komite sa Ways and Means ni Konsehal George Goking ang usa ka public hearing karong adlawa diha sa hawanan sa konseho alang sa sugyot ordinansa nga mag-revise sa schedule sa fair market values sa real property sa dakbayan.

Malaumon si Konsehal Goking nga makatabang kini sa katawhan ilabi na sa mga magpapatigayon sa syudad.

Gidapit sa komite sa maong panagtigom sila si City Assessor Atinidoro Asequia, City Administrator Atty. Roy Hilario Raagas, City Legal Officer Atty. Kenneth Tamala, City Treasurer Jasmin Maagad, City Budget Officer Roxanne Ravidas, City Accountant Mey Gomez, Engr. Rosanna Rodriguez sa City Building Office, City Planning and Development Coordinator Ms. Chedilyn Dulguime, ug City Agriculturist Paterno Gonzales.

Ang maong public hearing gilauman nga tambungan sa mga negosyante dinhi sa dakbayan sama sa Oro Chamber, Misamis Oriental Filipino Chinese Chamber, hugpong sa mga retailers ug nagka lain-laing dagkong magpapatigayon.