Pag-institutionalize sa organic agriculture gihingusgan ni Pascual

“GIKINAHANGLAN na gyud ni mapadali aron mapatuman na sa buhatan sa Department of Agriculture (DA) ang proyekto kay gawas nga nag-iniloga na sa pundo nanginahanglan na gyud ang mga mag-uuma sa syudad.”

Kini ang gibutyag ni Konsehal Jay R. Pascual atol sa tigom sa iyang Komite sa Agriculture human gituki ang sugyot ordinansa nga nagtumong sa pag-institutionalize sa organic farming dinhi sa syudad, paghiusa sa lumad ug natural nga sistema sa pagpanguma.

Matod sa konsehal nga daghan nang mga mag-uuma ang nagpadayag sa ilang mga mulo nga nangamatay na ang ilang mga tanom, gawas sa grabeng kainit, nihinay ngadto sa wala nay tubig ang mga suba.

Gipasabot ni Pascual nga nagkinahanglan lang og lokal nga ordinansa aron mabubo na sa DA ang maong proyekto dinhi sa syudad.

Niini, gitahasan sa komite ang buhatan sa Agriculture and Productivity Office nga magsumite sa updated draft ordinance sa daling panahon ngadto sa City Legal Office alang sa ilang rekomendasyon.