Pag-instalar sa suga, paghatag panginabuhian ipatuman sa Barangay 17

HAYAN hingpit nang mahinloan ang mga kanal, madugangan ang pag-instalar og suga sa kadalanan, ug mahatagan sa dugang kapanginabuhian ang katawhan sa Barangay 17.

Kini human ang Konseho sa syudad sa sesyon niadtong Lunes nga gidumala ni Bise Mayor Bebot Rodriguez hiniusang misagop og resolusyon nga nag-uli sa ordinansa sa Barangay 17 nga may kalabutan sa ilang Annual Budget nga mokabat sa P5,626, 362 alang sa implementasyon.

Dugtong niini, migahin usab ang barangay og igong pundo  alang sa pagpahigayon og trainings sa disaster preparedness and response, search, rescue and retrieval operations ingon man  pagpamalit og  supplies nga magamit panahon sa kalamidad.

Ang resolusyon nga gisagop sa konseho alang sa maong katuyuan gipaluyohan sa Komite sa Barangay Affairs ubos ni Konsehal Yan Lam Lim ug Komite sa Pamalaod ug Reglamento ubos ni Konsehal Edgar Cabanlas.