Pag-imbistigar sa text scam gamit ang online application konsiderahon sa kom ni Goking

KONSIDERAHON sa umaabot tigom sa komite sa trade and commerce ni konsehal George Goking ang pagsuta ug mapangitaan og solusyon ang gipadangat nga special report ni Konsehal Agapito Suan atol sa sesyon niadtong Lunes nga gidumala ni Bise Mayor Bebot Rodriguez mahitungod sa nagkuyanap nga isyu sa text scam nga delivery sa pagkaon gamit ang online delivery application diin daghan ang nabiktima.

Mahinumduman nga sa miaging regular session sa Konseho, si Konsehal Suan nagkanayon nga usa siya sa nabiktima sa maong text scam hinungdan nga siya gisugyot nga kini ma-imbistigar aron mapangitaan sa tukmang solusyon.

Niini dapiton sa tigom sa komite aron maghatag sa ilang panahom sila si Atty. Roy Hilario Raagas, City Administrator; Ms. Jasmin Maagad, City Treasurer; Atty.Kenneth Tamala, City Legal Officer; Dir. Jesusa Abear, OIC Provincial Director Department of Trade and Industry DTI; Engr. Avalyn Cahulogan, President Cagayan de Oro Chamber of Commerce and Industry Foundation Inc.; Mr. Henry Dy, President Cagayan de Oro Fil-Chinese Chamber of Commerce and Industry Inc. ug mga delivery services dinhi sa syudad.