Pag-estrablisar og BHPO sa Gusa, tun-an sa Komite sa Barangay Affairs

KONSIDERAHON sa Komite sa Barangay Affairs sa Konseho ubos  ni Konsehal Yan Lam Lim ang  resolusyon nga gipalabang sa Konseho sa Barangay Gusa.

Kini nag-establisar og posisyon nga Barangay Health Information Officer nga maoy tahasan sa pagpalig-on sa  kapasidad sa ilang Barangay Health Workers (BHW) ug ubang health volunteers diha sa pagpromote sa himsog nga panlawas sa mga residente sa ilang dapit.

Sa maong resolusyon, gipasabot sa barangay nga ilang gipaninguha nga ang katawhan adunay tukmang impormason sa panglawas ug serbisyo  aron mapalambo ang katawhan.

Lakip sa gisangong tahas sa maong Barangay Health Information Officer ang pagpatuman sa health education and advocacy, community mobilization, ug ang pakigtinabangay  sa mga hintungdang health agencies sa kagamhanan aron mapalambo ang  ilang health promotion efforts.