Pag-abli sa Macasandig Boulevard makagaan sa trapiko - Konsehal Nacaya
MALAUMON si Kosehal Ian Mark Nacaya, Chairman sa Komite sa Planning and Innovation, nga mogaan ang kapiot nga dagan sa trapiko sa mga dapit sa Macasandig kon maablihan ang Masacandig Boulevard ngadto sa mga motorista.
Sa sesyon sa Konseho niadtong Lunes nga gidumala ni Bise Mayor Bebot Rodriguez, si Nacaya mitaho nga gisirad-an ang dalan sa Tambo tungod sa gipahigayong pagsemento sa dalan diha dapit sa Bell Church.
Sa laing bahin, sumala sa konsehal nga sa pag-abli sa Balulang-Macasandig Road, nagamit usab kini nga dalan sa pribado ug mga pampublikong sakyanan aron makalaktod sa ilang rota paingon sa westeng bahin sa syudad samtang ang Tibasak Road nahimo usab kining major road sa mga motorista nga mopaingon sa Taguanao ug Balulang hinungdan nga mahuna hunaan sa katawhan nga kon maablihan ang Macasandig Boulevard hayan makatabang kini ug mogaan ang dagan sa trapiko sa Macasandig area.
Hinoon, matod sa konsehal nga adunay plano ang syudad nga ablihan ang maong boulevard aron magamit sa mga motorista apan hangtod karon wala pa kini mapatuman.
Niini, gisugyot ni Konsehal Nacaya sa hintungdang komite sa konseho nga masusi ang termino ug kasabutan sa maong boulevard.
Comments