P981 mil igahin alang sa mga miretirong kawani sa City Hall

MOKABAT sa P981 mil ang gipaabot igahin sa Konseho sa syudad ubos ni Bise Mayor Kikang Uy aron matunol nga insentibo sa kanhi mga kawani sa City Hall. Kini human nadawat sa buhatan sa bise mayor ang hangyo ni Mayor Oscar Moreno nga mahatagan sa katungod nga magamit ang pundo sa kasamtangang tuig alang sa Salamat Paalam – Retirement Gift/Incentive sa buhatan sa Human Resource Management. Ang maong pundo itunol nga insentibo sa mga kawani sa City Hall kinsa miretiro o’ mitaliwan na sa milabayng tuig 2021 isip kabahin sa Program on Awards and Incentives for Service Excellence (PrAISE) pinasubay sa Memorandum Circular sa Civil Service Commission (CSC). Malaumon si Bise Mayor Kikang Uy nga makatabang sa mga kanhi kawani sa City Hall ug sa ilang pamilya ang itunol nga kantidad agig pasalamat sa pagserbisyo sa katawhan sulod sa dugay nang panahon.