P320M igahin alang sa scholarship grants sa 2024

MOKABAT sa P320 milyones ang gipaabot nga uyonan sa Konseho sa Syudad ubos ni Bise Mayor Bebot Rodriguez nga pundo alang sa scholarship grants sa umaabot tuig 2024.

Kini adunay P40 Milyones nga omento gikan sa pundo sa kasamtangang tuig nga mokabat og P280 Milyones ang gahin.

Lakip sa gilaumang makabenepisyo sa programa mao ang mo-qualify sa medical ug law scholarship grants.

Mahinumduman nga ang dakbayan sa Cagayan de Oro una nang mipirma og kontrata tali sa Liceo de Cagayan University, University of Science and Technology of Southern Philippines, ug Xavier University alang sa panagtambayayong sa pagpatuman sa medical ug law scholarship grants nga gitanyag ngadto sa mga kwalipikadong tinun-an sa dakbayan.

Ang maong pundo usa sa mga uyunan sa Konseho sa gitakdang 2024 executive budget hearing sa umaabot nga semana.