P3.4M nga 2022 annual budget sa Brgy 8 konsiderahon sa brgy affairs

KONSIDERAHON sa komite sa Barangay Affairs ni Konsehal Yan Lam Lim ang gisumite nga 2022 annual budget sa Barangay 8 nga adunay gibanabanang kinitaan ug galastohon nga mokabat sa P3,400,931.00.

Kini human ang konseho sa barangay mipalabang sa ordinansa nga naghan-ay sa mga programa ug proyekto aron mapalambo ang barangay.

Tipik sa ilang gihatagan og prioridad mao ang programa sa panglawas, pagpalit sa mga ekipo alang sa daling pagresponde panahon sa kalamidad, paglimpyo sa mga kanal ug pagtukod og dugang alternatibong dalan.

Niini, si Lim gipaabot nga mopahigayon og tigom aron mahatagan sa katin-awan sa mga opisyal sa barangay ang ilang gihan-ay nga mga programa ug proyekto. (SP/MLRapanot)