P3.4M budget sa Brgy 11 aprobado sa Konseho

KAPIN sa P3 milyones ang Annual Budget sa Barangay 11 nga giaprobahan sa Konseho sa syudad ubos ni Bise Mayor Kikang Uy.

Kini human ang Konseho sa sesyon niadtong Lunes misagop sa resolusyon nga nag-uli sa ordinansa sa barangay diin nasukip ang gisumeteng annual budget nga adunay gibanabanang kinitaan ug galastohon balor P3,465,296.00.

Lakip sa gipundohan sa barangay mao ang pagpatuman sa rehabilitasyon sa drainage system, instalasyon sa ilang lighting facilities ug paglimpyo sa mga kanal.

Ang resolusyon nga gisagop sa Konseho alang sa maong katuyoan gipaluyuhan sa Komite sa Barangay Affairs ni Konsehal Yan Lam Lim ug Komite sa Pamalaod ni Konsehal Ian Mark Nacaya.