P2M gidonar sa CDO ngadto’s MisOc

Mokabat sa P2 milyones ang gidonar sa kagamhanan sa dakbayan sa Cagayan de Oro isip ayuda sa mga biktima sa pagbaha sa probinsya sa Misamis Occidental.

Kini human ang konseho sa syudad sa special session sa milabayng bulan nga gipangulohan ni Presiding Officer Protempore Konsehal Edgar Cabanlas migahin og P2 milyones isip financial assistance ngadto sa nahisgotang probinsya human kini gideklara nga ubos sa estado sa kalamidad gumikan sa nasinating grabeng pagbaha.

Ang pundo gikuha sa item: “Quick Response Fund” sa City Disaster Risk Reduction Management Fund sa 2022 Annual Budget. Malaumon ang mga opisyal sa dakbayan nga makatabang sa mga biktima sa pagbaha ang maong ayuda.