P19M annual budget sa Pagatpat mapatuman na

Mapatuman na sa Barangay Pagatpat ang ilang mga programa ug proyekto karong tuiga.

Kini human ang konseho sa syudad sa sesyon niadtong Lunes nga gidumala ni Bise Mayor Jocelyn Rodriguez misagop sa resolusyon nga nag-uli sa ordinansa sa barangay diin nasukip ang ilang Annual Budget nga adunay gibanabanang kinitaan ug galastohon balor P19,571,451.00 alang sa implemen-tasyon.

Ubos sa maong budget, ang barangay migahin og P2,633,341.00 alang sa 20% Development Fund (DF), P1,957,145.00 alang sa programa sa Sangguniang Kabataan ug P978,573.00 alang sa Barangay Disaster Risk Reduction and Management Fund.

Dugang niini, gipundohan usab sa barangay ang discretionary fund balor P33,834.oo; P131,832.00 sa GAD; P50 mil alang sa programa sa mga hamtong; P197, 748.00 sa programa alang sa pagproteher sa kabataan ug uban pang mga proyekto ug programa nga magpalapad sa ilang serbisyo sa katawhan.

Ang resolusyon nga gipalabang sa konseho alang sa maong katuyuan gipaluyuhan sa komite sa barangay affairs nga gidumala ni Konsehal John Michael Seno, vice-chair, ug komite sa pamalaod ni Konsehal Ian Mark Nacaya.