Oro ELCCAP 2022-2031 gisagop sa konseho

HINIUSANG gisagop sa konseho sa syudad ubos ni Bise Mayor Bebot Rodriguez atol sa gipahigayong special session sa milabayng semana ang gidusong Enhanced Local Climate Action Plan (ELCCAP) 2022-2031 sa dakbayan sa Cagayan de Oro.

Ang maong plano naghan-ay sa gikinahanglang aksyon ug stratehiya nga himuon sa kagamhanan sa dakbayan aron maminusan ang carbon footprint ug hinay hinay nga mapatuman ang usa ka sustainable, resilient ug low-carbon nga kaugmaon sa syudad.

Tumong sa ELCCAP nga maminusan ang epekto sa climate change ug mapatuman ang sustainable development pinaagi sa pag-implementar sa mga programa ug proyekto alang sa maong katuyuan.

Nasayran nga ang ELCCAP usa sa mga gikinahanglan nga ipatuman ubos sa Disaster Preparedness assessment criteria alang sa 2023 Seal of Good Local governance.

Niini, gipasaka sa konseho ang Resolosyon No. 14614-2023 alang sa maong katuyuan.