Ordinsa nga nagmugna sa SPAC sa Brgy 14 gioyunan sa konseho

HAYAN maingganyo na ang mga solo parents sa Barangay 14 nga mopartisipar sa mga programa ug proyekto nga alang sa ilang kaayohan.

Kini human ang konseho sa sesyon niadtong Lunes nga gidumala ni Presiding Officer Protempore Konsehal Romeo Calizo misagop og resolusyon nga nagmugna sa Solo Parents Affairs Committee sa tumong nga matabangan kini sa mga programa sa gobyerno.

Sa kasamtangan, nasayran nga ang barangay dunay daghang solo parents nga nagkinahanglan sa igong suporta gikan sa gobyerno pinaagi sa barangay, lokal, ingon man sa nasyonal nga kagamhanan aron dali nga matunol  ang mga batakang serbisyo  nga alangkanila.

Ang  resolusyon  nga gipalabang sa konseho  alang sa nasangpit nga katuyoan gipaluyohan sa Komite sa Barangay affairs ni Konsehal Yan Lam Lim ug Komite sa Pamalaod ni Konsehal Edgar Cabanlas.