Ordinansa sa FS Catanico alang sa kaluwasan sa kabataan, gisuportahan sa Konseho

GILANTAW  nga  mahatagan  sa  hingpit  nga kaluwasan  ug  kapasiguroan ang  kabataan  sa  Barangay F.S Catanico ning syudad.

Kini  human  ang Konseho sa sesyon  niadtong Lunes nga gidumala ni Presiding Officer Pro Tempore Konsehal Romeo Calizo misagop og resolusyon nga nag-uli sa ordinansa  sa maong barangay nga  nagmando sa mga program organizers  nga kinahanglang mangayo og  parent consent o panugot gikan sa ginikanan  kon moapil kini sa  mga aktibidadis  nga ipahigayon sa barangay  sama nalang kon sila mag-ensayo ug uban pa.

Segun sa ordinansa, isyuhan og reprimand ang mga makalapas sa unang higayon,  samtang adunay multa  nga P500 ug 2 ka oras nga community service  sa ikaduhang kalapasan, ug P1 ka libong multa ug 5 ka oras nga community service sa ikatulo  ug sunod pang kalapasan.

Ang resolusyon nga gisagop sa Konseho alang sa maong katuyoan gipaluyohan sa komite sa barangay affairs ubos ni Konsehal Yan Lam Lim ug komite sa pamalaod ug reglamento ubos ni Konsehal Edgar Cabanlas. (JRGalano/SP)