Ordinansa nga nag-establisar ug purok system sa kabarangayan, giuyonan sa Konseho

MAYORIYANG giuyonan sa Konseho sa Syudad atol sa sesyon niadtong Lunes nga gidumala ni Bise Mayor Bebot Rodriguez ang ordinansa  pag-establisar ug pag-institutionalize sa purok system sa katuyoan nga dugang mapalambo ang mga programa ug serbisyo nga matunol sa katawhan sa mga kabarangayan sa syudad.

Si Konsehal Yan Lam Lim mibutyag nga dunay mga problema sa barangay nga dili tanan mapadangat sa mga molopyo ilabi na sa mga dagkong barangay sa syudad nga angayan mahatagan sa solusyon.

Siya midugang nga ang pag-establisar sa purok system gihimo na sa ubang mga syudad ug munisipyo sa nasud ug nasuta nga epektibo kini nga balaod kay mapadangat ang mga mulo sa katawhan ngadto sa gobyerno.