Operasyon sa GrabCar suportado ni Konsehal Goking

GISUPORTAHAN ni Konsehal George Goking, Chairman sa Komite sa Trade and Commerce sa Konseho, ang operasyon sa GrabCar, usa ka matang sa transportation nga diin ang pasahero  mahimong  makapareserba sa iyang masakyan  gamit  ang ilang app.

Sa pagtambong ni Konsehal Goking  sa launching sa GrabCar niadtong Enero 10 ning tuig didto sa SEDA Centrio Hotel, iyang gipadayag ang dakong suporta tungod kay  makahatag kinig  kasayon sa katawhan sa pagpanakayan  nga dili namag-antos og hulat gawas nga  dali ra maila sa pasahero ang ilang  masakyan.

Gibutyag sa konsehal  nga ang Land Transportation Franchising Regulatory Board (LTFRB) mao ang naghatag og panugot sa maong operasyon ug siya malaumon nga daghan usab ang mahatagan  og panginabuhian.