Online application sa scholarship program ablihan karong adlawa

SI Konsehal Suzette Magtajas-Daba, chairman sa komite sa edukasyon, nagpahibalo nga ang buhatan sa CDO City Scholarships nagsugod na og dawat sa online applications alang sa mga tinun-ang kwalipikadong mahimong Iskolar sa Dakbayan (IsDa). Ang programa giandam sa kagamhanan sa tingoha nga walay kabataan nga mahikawan sa damgo ug pangandoy sa kinabuhi. Kini alang sa tanang mga tinun-an nga mogradwar karong tuiga sa sekondarya o’ incoming first year sa kolehiyo kinsang mga ginikanan walay kapasidad nga makapatungha sa ilang mga anak. Niini, si Daba miaghat sa tanang mga tinun-an nga magpahimulos niining talagsaon ug dalaygon nga kahigayonan nga gihatag sa dakbayan sa Cagayan de Oro. Alang sa gustong mo-apply, mag-fill up lang sa online agi sa bit.ly/ISDAApplication2023 ug sa dugang impormasyon mamahimong motawag sa 09298190819 o’ mobisita sa CDO City Scholarships Office FB page. Ang aplikasyon molungtad taman sa Marso 6, 2023.