Nursing students sa XU nahimong kampyon sa Battle of the Nightingales

MAINITONG gidayeg ug gipahalipayan sa Konseho sa syudad sa sesyon niadtong Lunes nga gidumala ni Bise Mayor Bebot Rodriguez ang 4 ka nursing student ug coach sa Xavier University.

Kini human nahimong kampyon ang maong team sa gipahigayong Battle of the Nightingales, usa ka Quiz Bowl sa nursing arts didto sa Robinson’s Palace sa dakbayan sa Butuan niadtong Agosto 23 ning tuig.

Sumala ni Konsehal Calizo nga ang Quiz Bowl gisalmotan sa mga nursing schools sa Caraga Region  ug Rehiyon 10 nga nagtutok sa pagpasundayag sa nursing skills ug art nga diin sa unang higayon nasakmit sa team sa Xavier University, butang nga angayang ipasigarbo sa dakbayan.

Nasayran nga ang maong quiz bowl usa ka kalihokan nga gitumong aron ipakita ang kahanas ug kahibalo sa mga nursing students.

Niini, ang konseho misagop og resolusyon nga nag-congratulate  sa maong Level 4 students  nga gilangkoban nila ni Sofia Cris Vitor, Hamza Hamim, Toni Adrea Gomez, Fer Gus Gere ug sa  ilang  coach ug clinical instructor nga si Sherry Calizo Castro.