Nursing students sa XU gipahalipayan sa Konseho

HINIUSANG gipahalipayan sa Konseho sa dakbayan ubos ni Bise Mayor Bebot Rodriguez ang Xavier University tungod  sa ilang kalampusan  sa gipahigayong Licensure Nursing Examination di palang dugay .

Kini human si Konsehal Romeo Calizo, chairman sa Komite sa Public Order, sa sesyon niadtong Lunes nagpahibalo  sa nakab-ot nga kalampusan  sa  mga  nursing students  sa  maong tunghaan.

Gipasabot sa konsehal nga duha ka rason nganong angayan sila nga pahalipayan, una nakuha nila ang 100 porsyento nga passing rate ug ikaduha tulo kanila ang nakasulod sa Top 10.

Si Alexandra Yamson mao ang 3rd placer, Shanaia Jane Custodio, 7th placer ug Jasima Gutoc (9th placer).

Niini, ang Konseho misagop og duha ka managlahing resolusyon alang sa maong katuyuan nga gipangahamahan  ni Konsehal Calizo ug tanang sakop sa konseho.