‘No Segregation, No Collection Policy’ gihingusgang mapatuman

“ADUNA bay kakulangon sa tig-kolekta sa basura kay daghan pa man ang basura nga dili makuha ilabina sa mga sulod nga bahin sa mga barangay?”

Kini ang pangutana ni Konsehal James Judith II, sa milabayng tigom sa Komite sa Climate Change Adaptation and Mitigation and Disaster Risk Reduction ni Konsehal Bernie Esparcia, human gituki ang taho ni Konsehal Roger Abaday kabahin sa status sa landfill sa syudad

Gitumbok sa konsehal nga adunay higayon nga dili daw makasulod ang mga basurero tungod sa kapiot sa dalan.

Sa tigom, ang representante sa Tencil Environmental Management mipasabot nga giseguro nila ang pagkolekta sa tanang basura sa syudad pero nakit-an nga problema ang dili pagtamod sa talamdan sa koleksyon ug dili pagtultol sa pick-up/collection points diha sa matag barangay.

Niini ang representante sa CLENRO mipahibalo nga sugod sa Enero 1, 2024, hingpit nang ipatuman ang ‘No Segregation, No Collection Policy”.

Ang CLENRO mibutyag nga ipahigayon sa ilang buhatan ang Mandatory Environmental Capacity Training alang sa tanang opisyal sa barangay aron mahatag ang mga giya alang sa implementasyon.

Dako ang suporta ni Judith sa maong kalamboan sa tinguha nga matabangang mamintinar ang kahindik sa palibot.