Net zero carbon emission gisuportahan ni Calizo

GISUPORTAHAN ni Konsehal Romeo Calizo, Chairman sa Komite sa Public Safety, ang panawagan ni Konsehal Malvern Esparcia atol sa sesyon niadtong Lunes nga gidumala ni Bise Mayor Bebot Rodriguez sa pagsagop sa panawagan sa Philippine Chamber of Commerce and Industry (PCCI) alang pagsagop sa balanse ug makatarunganong approach sa pagpanday og palisiya ingon man programa nga mag-imposar sa higpit nga decarbonization aron makab-ot ang net 0 carbon emission sa tuig 2050.

Mibutyag ang konsehal nga gasaka ang carbon emission matag adlaw ug bisan   anaa ang tinguha nga makab-ot ang net 0 carbon emission apan kon ayha na molihok kon anaa na ang epekto basin og ulahi na ang pagpangitag tukmang aksyon sa maong problema.

Dugtong niini, gipasabot ni Konsehal Calizo nga kon hulaton pa ang dili maayo nga epekto niini mahimong maulahi na ang kagamhanan sa pagpatuman sa tukmang aksyon hinungdan nga iyang   gisuportahan ang maong panawagan alang sa maong katuyoan.