Nationwide vaccination day alang sa mga hamtong ipahigayon

SI Konsehal Roger Abaday, Chairman sa komite sa Senior Citizens sa konseho, hugot nga misuporta sa ipahigayong Nationwide Senior Citizens Vaccination Day karong Enero 31 ning tuig.

Kini nagsentro sa temang “Pagpangga sa mga Lolo ug Lola pinaagi sa Pagbakuna”. Dako ang pasalamat sa konsehal sa kagamhanan sa dakbayan sa Cagayan de Oro sa pagsalmot sa simultaneous vaccination ug sa gihimong pangandam sa COVID-19 Vaccination Team nga gipangunahan sa Department of Health (DOH) sa tinguha mapaspasan ang pagpamakuna sa mga hamtong sa syudad.

Malaomon si Konsehal Abaday nga modaghan pa nga mga hamtong ang magpabakuna ug niini siya nanawagan sa tanang hamtong sa tibook rehiyon o nasud sa pagbisita sa pinakadool nga vaccination sites aron mabakunahan.