Nacaya suportado sa socialized housing, ubang programa sa syudad

GISUGYOT ni Konsehal Ian Mark Nacaya nga sutaon sa syudad kon ang mga ordinansa  nga napalabang sa konseho may kalabutan sa socialized housing program napatuman ba sa husto.

Kini ang unod sa reaksyon sa konsehal  sa sesyon sa konseho niadtong Martes nga gidumala ni Bise Mayor Bebot Rodriguez sa special report ni Konsehal Jose Pepe Abbu, Jr. mahitungod sa mga biktima  sa demolisyon ug nasunugan nga wala pa narelokar sa rason nga puno na  ang mga relocation site.

Segun pa ni  Konsehal Nacaya  nga  kapin sa 5 na ka ordinansa ang napalabang sa konseho  alang sa socialized housing program ug  labing maayo nga sukdon  kon sa  unsang paagi  kini epektibo o dilli sa mga  opisyal nga maoy  gisaligan pag-implementar niini  aron masuta kon kini igo na ba nga giya diha pagtunol sa programa sa  katawhan nga nagkinahanglan sa serbisyo sa kagamhanan.

Matag karon ug unya  kinahanglan nga atong sutaon dili lang ang mahitungod sa socialized  housing program apan sa tanang bahin nga ang kagamhanan gatunol og serbisyo.