Nacaya pabor sa sa Higalaay Festival Market dihas Rio de Oro Boulevard

SUPORTADO ni Konsehal Ian Mark Nacaya, Chairman sa Komite sa Planning, ang pagpahimutang og Higalaay Festival Market diha sa Rio de Oro Boulevard.

Kini ang reaskyon sa konsehal sa special report ni Konsehal Romeo Calizo sa sesyon niadtong Lunes nga gidumala ni Bise Mayor Bebot Rodriguez kalabot sa paghimutang sa maong food market.

Sumala sa konsehal nga suportado niya ang maong kalihokan tungod kay dili mahimo nga babagan ang mga kauswagan nga gitagana alang sa tanang hut-ong sa katilingban.

Gani, si Konsehal Nacaya mipasabot nga sa ubang dapit nahimo na kini nilang inadlaw nga rotina ug dili na kini special nga okasyon alang kanila mao nga angayan lang nga ang kagamhanan mopalambo og programa nga adunay epekto alang sa kalamboan sa kinatibuk-ang katawhan.

Niini, malaumon si Konsehal Nacaya nga makonsidera kini nga programa.