Nacaya pabor sa lakang ipalambo ang ordinansa bahin sa pagkontrolar ug kaayohan sa kahayopan

SA pag-improbar sa ordinansa, dili kinahanglan nga i-repeal, imo lang kini nga i-modify, innovate ug i-amendar.

Kini ang gipasabot  ni Konsehal Ian Mark Nacaya , chairman sa Komite sa Planning, Research & Innovation & People’s Organization Accreditation, agig reaskyon  sa special report ni Konsehal Bernie Esparcia  sa sesyon sa Konseho niadtong Lunes nga gidumala ni Bise Mayor Bebot Rodriguez.

Sumala ni Nacaya nga kanunay siya gauyon sa  pag-usab sa mga balaod nga napalabang sa nangaging kapanahunan  apan kinahanglan nga susihon  kon unsa nga probisyon ang dili na haom sa  kasamtangang panahon o dili na applicable sa kasamtangan.

Hinoon, matud sa konsehal nga iyang nasabtan ug suportado ang tuyo ni Konsehal Esparcia nga malambo ang ordinansa tungod kay alang man kini sa kaayohan.