Nacaya mihangyo mapanumbalik traffic mgmt consultants sa CDO

Si Konsehal Ian Mark Nacaya, majority floor leader sa konseho, miawhag nga mapanumbalik ang serbisyo nila ni Engr. Avalyn Cahulogan and Dr. Annabel Cabusog, mga consultants sa dakbayan nga nag-abag sa pagpanday sa Cagayan de Oro Transport Master Plan (TMP).

Sa sesyon sa konseho niadtong Lunes nga gidumala ni Bise Mayor Bebot Rodriguez, si Nacaya mipasabot nga aron mapadayon ug mapatuman sa hingpit ang nasugdang Transport Master Plan sa dakbayan angayan nga makuha balik ang serbisyo sa duha ka consultant ilabina sa pagpatuman sa Local Public Transport Route Plan (LPTRP).

Niini, usa ka resolosyon ang gipasaka sa konseho nga naghangyo sa mayor alang sa maong katuyuan.