Nacaya miawhag makorehian mga sayop nga advertisements sa insurance companies

Unta masayod ang mga insurance holders sa insakto ug tukmang serbisyo nga gitanyag sa mga insurance companies.

Mao kini ang panawagan ni Konsehal Ian Mark Nacaya, majority floor leader sa konseho, atol sa sesyon niadtong Lunes nga gidumala ni Bise Mayor Bebot Rodriguez.

Sa iyang special report, gipasabot sa konsehal ang mga patalastas nga gisibya sa pipila ka mga insurance companies nga dili haum sa aktwal nga serbisyo nga ilang gitanyag.

Matod niya nga adunay mulo sa pipika ka mga insurance holders nga nag-ingon nga dili mao ang serbisyo nga ilang napahimuslan itandi sa unang nahibaloan sa pagkuha sa insurance plan ug kini sukwahi sa ilang mga advertisements.

Adunay mga kompanya sa insurance nga sa ilang patalastas ug basis a impormasyon sa ilang mga ahente gipasalig nga cover sa insurance claims ang 60 ngadto sa 79 ka mga critical nga sakit kun mahospital, apan sa dihang maospital na sa usa sa mga giingong sakit dili na mahimong magamit pa ang insurance.

Morag adunay mga pagmahay sa mga nakapalit kay dili man diay tinood, pamahayag ni Nacaya.

Niini, siya misugyot nga mahatagan sa pagtagad ang maong taho aron masigurong maangkon gayud sa mga insurance holders ang angayan kanila. Ang taho ni Nacaya giduso ni Bise Mayor Rodriguez ngadto sa komite sa panglawas ni Konsehal Malou Gaane.