Nacaya malaumon metropolisasyon sa Cagayan de Misamis makatabang makonhuran ang pagbaha

MALAUMON si Konsehal Ian Mark Nacaya, chairman sa Komite sa Planning and Research nga dako og ikatabang  sa problema sa pagbaha kon madeklara na ang metropolisasyon sa  Cagayan de Misamis sa tuig 2025.

Kini reaksyon ni  Konsehal Ian Mark  Nacaya sa special report ni Konsehal Yvy Emano sa sesyon sa Konseho niadtong Lunes nga gidumala ni Bise Mayor Bebot Rodriguez mahitungod paglusad sa Kanal Limpyohan, Baha Malikayan.

Sumala ni Nacaya pipila na ka resolusyon ang napalabang sa konseho ug gani gilingkoran na kini sa mga hintungdang ahensya lakip na ang National Economic Development Authority (NEDA) sa tinguha nga mahatagan kini sa katumanan.

Gani, nanghinaot ang Konsehal nga sa pag-establisar sa metropolisasyon makabaton og administrative structure o’ sistema nga magtugot  alang kooperasyon tali sa mga munisipalidad ug dakbayan  aron  adunay  hiniusang direksyon alang kalamboan nga diin pinaagi niini ang mga tubig nga  gikan sa taas nga bahin, dili man makontrolar apan adunay hingpit pagkunhod tungod  aduna  may  hiniusang  gibuhat  ang tanan  alang  sa maong katuyuan.

“So that’s another challenge because we haven’t seen yet the test model sa Cagayan de Misamis,” pamahayag ni Konsehal Nacaya.