MUP – CDO competition gitakda sa 2024

GISUPORTAHAN sa Konseho sa Syudad ubos ni Bise Mayor Bebot Rodriguez ang pagpahigayon sa Miss Universe Philippines (MUP) - Cagayan de Oro Competition.

Kini human mibisita sa konseho, sa sesyonniadtong Lunes, si Miss Universe Philippines National Search Consultant Mags Cue aron ipahibalo nga gitakda sa Enero 27, 2024 ang Miss Universe Cagayan de Oro Beauty Pageant diha sa Limketkai Atrium.

Si Konsehal Jay Pascual, Chairman sa Komite sa Turismo, mibutyag nga ang maong kompetisyon dili lang talagsaong kahigayonan sa mga Kagay-anong dalaga nga makasalmot sa maong indigay kun dili magsilbing tulay nga mapaabot ang ilang katakos sa tibuok nasud.

Niini, giaghat ni Pascual ang mahiligan sa beauty pageant pagsalmot sa ipahigayong screening sa Oktubre 22, 2023 alas 10 sa buntag diha sa Limketkai Atrium.

Ang mapiling MUP – Cagayan de Oro magrepresentar sa dakbayan sa national competition.