MoU tali PBEd, Inc. tun-an sa Kom sa Educ ug Labor

KONSIDERAHON sa Komite sa Edukasyon ni Konsehal Suzette Magtajas-Daba ug sa Komite sa Labor ni Konsehal Joey S. Abbu, Jr. ang hangyo ni Mayor Klarex Uy sa pagpalabang sa ordinansa nga magtugot kaniya sa pagpirma sa Memorandum of Understanding (MoU) uban sa Philippines Business for Education (PBed), Inc.

Kini kabahin sa kolaborasyon sa pag-implementar sa Jobsnext nga proyekto nga dumalahon sa Public Employment Services Office (PESO).

Tumong sa maong MoU nga mapalambo ang kalidad sa edukasyon ug makahatag sa mga batan-on sa gikinahanglan nga mga skills.

Gipaabot nga magtigom ang duha ka komite uban sa mga hintungdang ahensya aron sa pagtuki sa maong Memorandum of Understanding.