MoU tali PBEd giuyonan sa konseho

SA tinguha nga mapalambo ang kalidad sa edukasyon ug mahatagan ang mga batan-on sa gikinahanglan nga mga skills, hiniusang giuyonan sa konseho sa sesyon niadtong Lunes nga gidumala ni Bise Mayor Bebot Rodriguez ang ordinansa nga naghatag og katungod ni Mayor Klarex Uy sa pagpirma sa Memorandum of Understanding (MoU) uban sa Philippines Business for Education (PBed), Inc.

Kini kabahin sa kolaborasyon sa pag-implementar sa Jobsnext, usa ka proyekto nga ubos sa pag-una sa Public Employment Services Office (PESO).

Ang ordinansa nga gipalabang sa konseho alang sa maong katuyoan gipaluyohan sa Komite sa Edukasyon ni Konsehal Suzette Magtajas-Daba, Komite sa Labor and Employment ni Konsehal Joey S. Abbu, Jr. ug Komite sa Pamalaod ug Reglamento ni Konsehal Edgar Cabanlas.