MOU kalabot seamless data sharing giuyonan sa konseho

GIUYONAN sa konseho sa syudad  atol sa sesyon niadtong Lunes nga gidumala ni Bise Mayor Bebot Rodriguez ang ordinansa nga naghatag  katungod ni Mayor Rolando A. Uy pagpirma sa Memorandum of Understanding (MOU) tali sa Philippine Statistic Authority (PSA) nga girepresentahan ni Janith C. Aves, Officer-In-Charge sa PSA-RSSO X.

Kini may kalabotan  sa kolaborasyon sa duha ka partido  sa pagpatuman sa  seamless data sharing sa statistical data nga nahiuyon  sa Akta Republika 10173 kun Data Privacy Act, National Privacy Commission, ug uban pang  may kalabotan  nga balaodnon ubos sa termino ug kondisyones nga gitakda   sa maong panagsabot.

Ang ordinansa nga gipalabang sa konseho alang sa maong katuyoan gipaluyohan  sa Komite sa Planning and Research ni Konsehal Ian Mark Q. Nacaya ug Komite sa Pamalaod ug Reglamento ubos ni Konsehal Edgar Cabanlas.